दिल्ली मद्य धोरण घोटाळा प्रकरणी मनीष सिसोदिया यांना सीबीआयनी केली अटक

गुन्हेगारीचा पर्दाफाश….!

दिल्ली मद्य धोरण घोटाळा प्रकरणी मनीष सिसोदिया यांना सीबीआयनी केली अटक

 दिल्लीचे उपमुख्यमंत्री मनीष सिसोदिया यांची दिल्ली मद्य धोरण घोटाळा प्रकरणी चौकशीसाठी सीबीआय कार्यालयात दाखल झाल्यानंतर अनेक तास चौकशीअंती अटक करण्यात आली आहे.

तत्पूर्वी त्यांच्या समर्थकांनी रोड शो केला. यावेळी पक्षाच्या कार्यकर्त्यांनी केंद्र सरकारच्या विरोधात जोरदार घोषणाबाजी केली. या रोड शो मध्ये पोलिसांनी कलम १४४ लागू करून अनेक आप कार्यकर्त्यांना अटक केली आहे. मुख्यमंत्री अरविंद केजरीवाल म्हणाले आज सिसोदिया यांना सीबीआय मुख्यालयात चौकशीसाठी बोलावण्यात आले होते. सिसोदिया यांना अटक होऊ शकते असा अंदाजही त्यांनी व्यक्त केला होता. सिसोदिया चौकशीला जाण्यापूर्वी म्हणाले की, मी आज पुन्हा सीबीआय कार्यालयात जात आहे. संपूर्ण तपासात मी पूर्ण सहकार्य करेन. लाखो मुलांचे प्रेम आणि करोडो देशवासीयांचे आशीर्वाद तुमच्या पाठीशी आहेत. मला काही महिने तुरुंगात राहावे लागले. तरी मला पर्वा नाही. ते भगतसिंग यांचे अनुयायी आहेत. देशासाठी भगतसिंग यांना फाशी देण्यात आली. अशा खोट्या आरोपांमुळे तुरूगांत जाणे ही खूप छोटी गोष्ट आहे.

आम्ही तुमच्यासोबत : केजरीवाल

अरविंद केजरीवाल यांनी ट्विट केले. मनीष आम्ही तुमच्यासोबत आहे. लाखो लोकांच्या प्रार्थना तुमच्या पाठीशी आहेत. देशासाठी आणि समाजासाठी तुरुंगात गेल्यावर तुरुंगात जाणे हा शाप नसून गौरव आहे. तुम्ही लवकरच जेलमधून परत येवो, हीच ईश्वरचरणी प्रार्थना. दिल्लीची मुले, पालक आणि आम्ही सर्व तुमची वाट पाहत आहोत.