गुन्हेगारीचा पर्दाफाश….!
हातात तलवार घेऊन फिरणाऱ्या अल्पवयीन मुलाविरुद्ध गुन्हा दाखल.
या बाबत थोडक्यात हकीकत अशी की, पोलीस अधीक्षक श्री निखिल पिंगळे यांनी अवैध धंद्याची माहिती काढून त्यावर कारवाई करणे बाबत निर्देशित केले होते.
त्या अनुषंगाने अपर पोलीस अधीक्षक श्री.अनुराग जैन, उपविभागीय पोलिस अधिकारी श्री.जितेंद्र जगदाळे यांचे मार्गदर्शनात विवेकानंद चौक पोलीस ठाण्याचे पोलीस निरीक्षक श्री.सुधाकर बावकर यांचे नेतृत्वात पथक तयार करुन अवैध धंद्याची माहिती काढत असताना पथकाला मिळालेल्या गोपनीय माहिती मिळाली की, अंजली नगर परिसरात एक युवक हातात तलवार घेऊन फिरत आहे. त्यावरून सदर पथकाने अंजली नगर परिसरातून सदर युवकास ताब्यात घेऊन त्याची झडती घेतली. त्या युवकाकडे एक लोखंडी तलवार मिळून आली. त्याच्याकडे अधिक चौकशी केली असता तो अल्पवयीन असल्याचे आढळल्याने सदरच्या विधीसंघर्ष बालकास त्याचे पालकांच्या ताब्यात देण्यात आले असून पोलीस ठाणे विवेकानंद चौक येथे गुन्हा रजिस्टर क्रमांक 465/2022 कलम 4, 25 भारतीय हत्यार कायद्याप्रमाणे गुन्हा दाखल करण्यास आलेला आहे गुन्ह्याचा पुढील तपास विवेकानंद चौक पोलीस करीत आहेत.
सदरची कामगिरी वरिष्ठांचे मार्गदर्शनात व पोलीस ठाणे विवेकानंद चौक येथील पोलीस निरीक्षक श्री. सुधाकर बावकर यांचे नेतृत्वात पोलीस उपनिरीक्षक महेश गळगट्टे, पोलीस अमलदार विलास फुलारी, संजय कांबळे, मुन्ना पठाण, बळीराम देमगुंडे, उस्मान मोमीन, रमेश नामदास यांनी केली आहे.